Самостојна изложба на Филип Јовановски во петокот во Музеј на Град Скопје – Отворено Графичко Студио- Силата на Спартакистите или моќта на љубовта?!
Музеј на Град Скопје – Отворено Графичко Студио
Април 2014
Изложбата претставува заокружување на двегодишната работа со висококвалификуваните работници учесници во проектот Скопје 2014 коишто во случајот учествуваат во самата изведба на делото и со тоа во позиционирањето на производството на културата како политичка одлука, а не техничко организациска, независна од општествени потреби и проблеми.
.jpg)
Во последната фаза од процесот како посебна целина е делот во кој во соработка со левичарската организација СОЛИДАРНОСТ, работниците веќе учествуваат во изработката на самото дело, учествуваат во процесот на продукција на уметност, го „користат„ занаетот за изработка на уметност како алатка во додефинрање или преиспитуавње на нивната позиција во општеството.
Во случајот на сите овие три целини, уметниците „аматери„, работниците „аматери„ активистите „аматери„ стануваат објект, предмет во големата слика на доминантните позиции на моќ, парадигма во дефинирањето на граѓанската слобода во еден актуелен неолиберален систем .
Зар нивните идеи зависат само од нивната материјална состојба? Или пак обратно, нивната материјална состојба зависи од идеите за кои на други им требаат средства колку илјадници животи на овие работници ?
„Аматеризмот„ на работниците дозволува тие да сонуваат, гледајки го сонот како краен политички чин, во најмала рака затоа што додека спијат можат да сонуваат за нешта коишто им се забранети да ги прават додека се на работа, истото што го прави било кој што во моментот е во доминантна позиција на моќ.