По повод 8.март, во Паркот Жена Борец, в петок напладне, ќе се одржи изложба „ЖЕНА БОРЕЦ“, на уметницата Дороти Пачкова. Изложбата е планирана пред самиот почеток на маршот „Среќен ли е 8 март?“.
-Женската уметност, уште од 1920 година започна да поставува темели за феминистички активизам, растајнувајќи ја загриженоста за женската улога во општеството, и ден денес. Проектот „ЖЕНА БОРЕЦ!“ има за цел да ја презентира пластично борбата на жените уметнички за своите изразувачки права, во контекст на општественото културолошко функционирање, но и во контекст на индивидуални права, преку уникатни авторски дела, поставени во јавен простор, во истоимениот ПАРК „ЖЕНА БОРЕЦ!“, се вели во најавата.