Околу 50 Палестинци загинаа од почетокот на израелската копнена офанзива во четвртокот вечерта, а во текот на 11-дневната израелска офанзива животот го изгубиле околу 300 Палестинци.
Израелските одбранбени сили (ИДФ) објавија видео во кое ги прикажуваат со војна зафатените подрачја, и објаснуваат како Хамас ги поттикнува Палестинците да останат во своите домови, со своите тела да ги бранат своите домови. Хамас испалува ракети од населени места, без оглед на опасноста за населението, потенцира ИДФ.
Во текот на ноќта и утрото убиени се уште 11 Палестинци на подрачјето на Газа, со што бројот на загинати се искачи на 307 лица во само 12 дена, наведуваат безбедносни извори.
Генералниот секретар на ОН, Бан Ки Мун во сабота треба да го посети Блискиот исток, објави вчера висок службеник на ОН.
Бан Ки Мун има намера да покаже солидарност со Израелците и Палестинците и во координација со регионалните и меѓународните актери да стави крај на насилството и да пронајде решение за судирите, рече помошникот главен секретар за политички прашања Џефри Фелтман.