Откако денеска „Урбан Инвест“ ја поднесе кривичната пријава, со соопштение се огласи Јакимовски кој вели дека е подготвен во претстојните 40 дена да се носи со вакви подметнувања.
– Фирмата „Урбан Инвест” која ја започна реконструкцијата на платото кај Млечен ресторан во текот на работата се однесуваше неодговорно, неорганизирано и работеше со несоодветен стручен кадар.
– Во неколку наврати поради несоодветната динамика во работењето и несериозното однесување при изведувањето на градежните работи, беше повикана на усмени состаноци во Општината, а беше предупреден и во писмена форма.
– Поради тоа, Општина Карпош одлучи да го раскине договорот со оваа фирма и до надлежниот суд да поднесе тужбено барање за несоодветно однесување и надоместок на штета, од страна на „Урбан Инвест”.
– Оттаму, јасни се и мотивите за реваншизам и политичка дисквалификација зад кои оваа фирма сака да ги прикрие својот непрофесионализам и изгубениот кредибилитет во деловниот свет.
– Исто така, „Урбан Инвест” е фирма од која многу инвеститори во Општина Карпош честопати доаѓаа и се жалеа за несериозност во работата и лошата изведба на работите кои им се доверени, се вели во соопштението на Јакимовски.