Министерството за транспорт и врски планира да потроши 2,5 милиони евра за реконструкција и надградба на железничката станица во Скопје.
Денеска е објавен тендер за избор на изведувач на работите, кој е отворен до 3 септември.
– Финансиските средства за реконструкција на овој проект се обезбедени од ИПА фондовите на ЕУ во висина од 85 отсто, додека 15 проценти ќе бидат буџетски средства – изјави министерот за транспорт и врски Миле Јанакиески.
>>Железничка станица во Скопје стана руина
Според планот предвидено е подигање на нивото на перонската платформа, за да се задоволат европските стандарди, поставување два нови лифта, замена на складишните кракови како и подобрување на пристапноста за инвалиди и слепи лица, како воведување на современ информативен систем.
Според министерот за транспорт, Јанакиески нема да се менува надворешниот изглед на железничката станица, туку дека ќе се направи само мало разубавување на надворешниот изглед.
Железничката станица е изградена после земјотресот, а автор е архитектот Кензо Танге, во употреба беше пуштена на 27 јули 1981 година.
Во видеото погледнете ја моменталната состојба на Железничката станица.