Последното видео на кое џихадистот Џон (терористот кој обезглави повеќе заложници на ИСИС) предизвика згрозеност и гнев насекаде во светот откако фотографијата се појави минатата недела.
Тој во име на Исламската држава побара откуп од 200 милиони долари како би биле ослободени двајцата јапонски затвореници Харуна Јукава и Кенџи Гото, по што едниот од нив подоцна беше убиен.
Но како што истекуваа 72 часа кои џихадистот Џон им ги даде на Јапонците за откуп на заложниците, јапонската јавност одговори со отворена непослушност на сатиричен начин, со меме-фотографии за „пореметениот“ терорист, пишува Дејли Мејл.
На повеќето фотографии легендите под фотографиите се напишани на јапонски јазик, но една од англиските верзии гласи: „Утре ќе бидеме тажни но ќе помине, а ИСИС се уште нема да вреди ништо. Не можете да го скршите нашиот дух“.
Во продолжение, меме-фотографиите на Јапонците за џихадистот Џон:
*Бидејќи истекоа 72 часа а 200 милиони долари не беа исплатени, Твитерџиите од Јапонија објавуваат вакви сатирични фотографии како одговор на терористите од Исламската држава
*„Не можеш да го скршиш нашиот дух“
*Едно од најсилните оружја на ИД во нивната „света војна“ е стравот, така што Јапонците враќаат со хумор на истата
*Оваа фотографија е монтажа на која џихадистот Џон, при барањето на откупот е претставен како злобниот доктор (Doctor Evil) од филмовите со Остин Пауерс
*Во другите објавени меме-фотографии, терористот е прикажан како Мики Маус
*Ким јонг-Ун и неговите генерали се прикажни како му се потсмеваат на џихадистот Џон
*Мајнкрафт верзија на видеото кое неодамна беше објавено
*Џихадистот Џон е прикажан заедно со двајцата заложници на Марс
* Меме со уште една детска игра, популарната Ју Џи О
*На Твитер објавата на овој корисник, озогласениот терорист е облечен во розова долна облека во поле со цвеќиња
Исламската држава во текот на викендот објави уште една снимка на која еден од двајцата јапонски заложници, држи фотографија од убиениот сограѓанин, Харуна Јукава.
На снимката, Кенџи Гото го обвинува премиерот на Јапонија за смртта на Јукава и вели дека за неговото ослободување Исламската држава сега не бара пари, туку да се ослободи жена бомбаш – самоубиец Саџиле ал-Ришави, заробена во Јордан.