Јапонскиот цар Акихито планира да абдицира на 30 април 2019 година, соопшти јапонскиот премиер Шинѕо Абе.
Ова ќе прво вакво повлекување од тронот во последните 200 години.
Царот Акихито тогаш ќе наполни 85 години.
Најстариот син на Акихито, принцот Нарухито ќе го наследи престолот на 1 мај истата година.
Одлуката за абдикација е донесена на состанок на Кралскиот совет, на кој присуствувале политичари и членови на кралското семејство.
Формалното одобрување на одлуката се очекува на 8 декември.