Самостојниот синдикат на новинари и медиумски работници, Македонскиот институт за медиуми и Иницијативниот одбор за ослободување од притвор на Кежаровски најавија дека нема да присуствуваат на јавната расправа за нацрт-работните верзии на законите за медиуми и за аудио и аудиовизуелни медиумски услуги.
Во рамки на процесот за јавни консултации, Министерството за информатичко општество и администрација, денеска ја организира јавната расправа на која ќе бидат разгледани забелешките и предлозите по нацрт-текстовите.
На расправата ќе учествуваат експерти на ОБСЕ, Советот на Европа и TAIEX мисијата кои работеа на предлог измените на законите, како и сите заинтересирани субјекти кои се дел од медиумската област.