Јенс Столтенберг, поранешниот премиер на Норвешка денеска и официјално стапува во должноста Генерален секретар на НАТО.
Столтенберг во долгогодишната политичка кариера има воспоставено блиски односи со Русија, што ќе помогне за подобрување на односите меѓу Алијансата и Москва, кои се заладени поради украинската криза.
Поранешниот премиер на Норвешка оддржува добри односи со Владимир Путин и Дмитриј Медведев, додека под нивно водство Русија и Норвешка склучија важни договори за утврдување на морската граница и безвизен режим за населението од пограничните региони.
Претходникот на Столтенберг, Данецот Андерс Фог Расмусен на 26 септември пак се збогуваше со Северно-атлантската алијанса по завршување на неговиот мандат како 12-ти Генерален секретар.