Во напис за CNN Лук Мекги и Саскја Вандорн објаснуваат дека повеќето лидери во ЕУ на некој начин ја зголемиле нивната моќ и дека малку од нив имаат реални планови за како да ја вратат таа моќ по завршувањето на пандемијата. Писателите од CNN дури сметаат дека ни Франција нема ваков план.
Минатата недела, националното собрание на Франција во средата одобри создавање на КОВИД-19 „здравствен пас“ што луѓето можат да го користат за да присуствуваат на спортски настани, фестивали и тематски паркови со голем број луѓе, што е жестоко оспорена владина мерка за безбедно отворање на економијата. Исто така вонредната состојба ќе продолжи во Франција до септември од оваа година што значи дека државните органи имаат повеќе моќ во ваква ситуација отколку во нормални услови на демократија.
Во текот на своето претседателствување, Емануел Макрон беше обвинет за оддалечување од центристичката либерална платформа на која беше избран во 2017 година, особено за засилување на ставовите кон исламот и имиграцијата (односно поместувајќи се во подесничарска политичка ориентација), но и за како тој раководи со Франција за време на пандемијата.
Во многу држави низ светот каде што се воведоа полициски часови и други видови на рестрикции заради Ковид пандемијата, полицијата доби дополнителни овластувања за што може да прави и на кој начин може да се однесува со жителите од својата држава. На пример, за време на новогодишните празници имаше строги мерки во С. Македонија. Владата тогаш препорача „засилени контроли и инспекциски надзори од страна на полициските службеници и надлежните инспекторати за почитување и спроведување на мерките и препораките за заштита од КОВИД-19, во претстојниот период на новогодишни и верски прослави кои ќе започнат да се применуваат од 18 декември 2020 година до 20 јануари 2021 година“.
Прашањето е кога полицијата и други органи на државата добиваат вакви овластувања во време на вонредни услови на пандемија, како се враќа едно општество во одредена нормала откога заканата по јавното здравје не е веќе присутна?
Democracy Reporting International (DRI) неодамна објави сеопфатна студија за тоа како владите низ Европската Унија реагираа во контекст на демократијата и владеењето на правото. Франција беше наведена како земја со „значителна грижа“ за степенот до кој нејзината влада ги сруши правните норми.
Во извештајот, други држави пак имаат и полоши класификации од Франција, како на пример Унгарија и Чешка. Во извештајот стои следното:
„Во Унгарија, владата донесоа повеќе предлог-закони во парламентот со кои се дозволува да владее со декрети и без нив судски преглед, заедно со уставниот амандман со кој ефикасно се отстранува парламентарната контрола. Овие декретите можат да суспендираат или да се разликуваат од законот, а само премиерот може да одреди кога се користи од овие овластувања за итни случаи веќе нема да бидат потребни.“
Други држави исто така се на листата на овој извештај кои имаат сличен рејтинг на „сериозна грижа“ како Австрија, Словенија, Белгија и Литванија. Само Шпанија го има рејтингот „никаква грижа“.
Извештајот завршува со тоа дека за сега нема јасен излез од оваа ситуација. Во извештајот стои следното:
„Додека националната стратегија за излез ќе биде од суштинско значење за тековното управување со пандемијата, ефективен пан-европски менанџмент за управување ќе биде потребен за заедничка стратегија и координација на ниво на Унијата. Подлогата е поставена за ова; во февруари 2021 година, Советот на ЕУ донесе ажурирана препорака за координиран пристап кон ограничување на слободното движење како одговор на Ковид-19 пандемијата. Советот на ЕУ ги повикува членките на сојузот да усвојат заедничка стратегија преку координирано маркирање во боја, заеднички критериуми за воведување на ограничувања за патувања, јасност на мерките за патување до/од области со висок ризик и обезбедување на информации до јавноста. Заедничките и координирани стратегии низ ЕУ можат да го поддржат безбедно враќање на слободно движење и долгорочно закрепнување на Унијата и нејзините земји-членки.“
Елена Гаговска