Канадските власти и дозволите на Американската Агенција за национална сигурност да шпионира за време на одржувањето на самитот на најразвиените земји во светот Г8 и Г20 во Онтарио во 2010 година.
По увидот во документите на поранешниот американски разузнавач Едвард Сноуден, американската ТВ мрежа ЦБЦ синоќа пренесе дека НСА ја користела американската амбасада во Отава како свое „командно место“ за шпионирање, кое траело речиси цела седмица во моментот додека американскиот претседател Барак Обама и другите светски лидери биле во Канада во јуни 2010 година.
Агенцијата Ројтерс посочува дека не го добила документите на увид ниту пак била во можност да ја провери нивната автентичност.
Во документите не е наведено кој се бил цел на шпионирање, но пишува дека плановите биле „внимателно искоординирани со канадскиот партнер“.
Џејсон МекДоналд, портпарол на канадскиот премиер Стефан Харпер, доцна синоќа штуро соопшти дека „тие не коментираат операции кои се врзани за националната сигурност“.
Канадската група за човекови права Опенмедиа соопшти дека е „очигледно дека шпионирањето имало за цел давање на поддршка на американската политика за време на спорниот самит“.