Земајќи го предвид политичкиот моментум, по одложувањето на оставката на премиерот Заев, заради процесот и силните сигнали од стратешките партнери на САД и ЕУ кои ми ги искомуницира висок дипломатски претставник, дека во декември има одлична шанса да имаме датум за почеток на разговорите за членство во ЕУ, одлучив да не присуствувам на собраниската седница, објави Реџепи
Кастриот Реџепи, пратеник на Движењето БЕСА на својот Фејсбук профил објави дека решил да не учествува на собраниската седница за гласање на доверба на Владата.
„Една од главните причини за мојот и политичкиот субјект Движење Беса на кое припаѓам, е евроатлантската интеграција на РСМ.
Земајќи го предвид политичкиот моментум, по одложувањето на оставката на премиерот Заев, заради процесот и силните сигнали од стратешките партнери на САД и ЕУ кои ми ги искомуницира висок дипломатски претставник, дека во декември има одлична шанса да имаме датум за почеток на разговорите за членство во ЕУ, одлучив да не присуствувам на собраниската седница на која требаше да се донесе одлука со која ќе се доведе во прашање оваа витална национална и државна цел. Како одговорен политичар и пратеник, оваа одлука не ја донесов лесно ставајќи го интересот на народот и државата на прво место.
Државата во овој важен период нема потреба од политичка криза и потопување во проблематични води со многу непознати“, објави Реџепи.