Опфатотот со вакцинација кај децата Роми е под националниот просек и се движи од 35 проценти па нагоре за различни вакцини, објави невладината организација ЕСЕ. Патронажните сестри минатата година наместо девет пати, ромските заедници го посетиле само 2, 5 пати. Дури 65 проценти од Ромите не добиле никаква покана за вакцинација. Жените Ромки бараат да ги посетат тимови за вакцинација во кои ќе има и вработени Роми, за да можат подобро да се разберат бидејќи голем дел од нив, особено тие во зафрлените населби не разбираат добро македонски јазик.
-Ниту Ром, ниту Албанец, ниту Македонец нема донесено покана, ние не знаеме нашите деца кога треба да ги вакцинираме,а после ни доаѓаат казни. Сакаме да не прифатат како рамноправни. Ве молиме да донесат тимови за вакцинација со патронажна сестра Ромка бидејќи со неа подобро ќе се разбереме, рече Мустафа Ашима од Брсјчка населба Шуто Оризари.
Во 2011 година Министерството за здравство одвои 2,9 милиони денари за превентивна заштита на децата во ромските заедници. Во 2014 година буџетот е намален за цели 1,6 милион денари велат од ЕСЕ.
-Имам девет деца, осум внуци, некои се вакцинирани некои не се, имам и непријавени деца. Живеам 28 години по улици, во оваа населба сум осум години без струја телевизор, немаме вода, канализација,немаме каде периме. Децата ни се болни. Зошто не доаѓаат патронажни сестри Ромки, вели една жена од ромската населба „Полигон“ во Скопје.
Овие луѓе живеат во супстандардни услови, храна и облека собираат по котејнери, нивните живеалишта се извор на заразни болести. Сите се социјални случаи и за нив е проблем за да ги однесат децата на лекар за ги вакцинираат.
-Покана и да има, немам пари да му купам сируп против температура, инаку знам дека е добро да се вакцинираат децата. Посебно во услови во кои ние живееме, без купатила во лоши услови за егзистенција вели Мишреф Ибарим од Делчево.
За да се ублажи состојбата со катастрофално ниското ниво на вакцинација на децата Роми, од ЕСЕ препорачуваат да се формираат мобилни тимови за ги пронајдат и вакцинираат децата Роми, спроведување едукативни работилници во ромските средини, вработување на патронажни сестри Ромки и курири Роми, како и плаќање на патните трошоци за вакцинација на децата.