Катерина Ставриќ од денеска и официјално е назначена за директорка на Клиниката за детски болести. Таа доаѓа на местото на Аспазија Софијанова за која имаше големи притисоци за да остане на позицијата. Министерот Арбен Травари и официјално потврди дека го потпишал решението за нејзино назначување.
„Мислам дека таа е најдобар избор, стабилна е коректна, си ја знае работата“, изјави Таравари на брифингот со новинарите.
Ставриќ е имунолог-педијатар и го води проектот за семејна медицина на Медицинскиот факултет.
Освен неа назначени се уште девет нови директори на Институтот за трансфузиологија, на Максилофацијална хирургија, на Клиника абдоменална хирургија, како и во болниците во Битола, Кавадарци, Велес, Крива Паланка, Кратово и Виница. Министерот не сакаше да ги открие имињата на останатите директори за кои ги поптпишал решенија се до се до утрешниот ден кога официјално ќе ги соопшти.
Сепак, НОВА неофицијално од свои извори дознава дека на абдоменална хирургија е назначен Зоран Караџов, а Славе Наумовски на Клиника за максилофацијална хирургија. Имињата на новоназначените директори ќе бидат соопштени во текот на утрешниот ден, најави Таравари.
Таравари рече дека секој од новоназначените директори е должен да направи внатрешна ревизија на клиниката и на работењето на неговиот претходник. Внатрешна ревизија веќе се прави и во Министерството за здравство.