Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Ќе се отвори ли патот за избор на нови уставни судии по разрешувањето на Зендели?

0
By Biljana on March 3, 2022 ВЕСТИ, ПОЛИТИКА
СПОДЕЛИ
Facebook Twitter LinkedIn Email

Собранието на денешната седница го разреши пратеникот Фадил Зендели од местото член на Комисијата за избори и именувања. 

По тридневна расправа, со 61 глас „за“, Собранието го разреши членот на Комисијата за прашања на изборите и именувањата, Фадил Зендели. За разрешувањето на пратеникот од Беса, Фадил Зендели, гласаа само пратениците од мнозинството, бидејќи оние од опозицијата по паузата не се вратија во пленарната сала.

Никола Мицевски, координаторот на пратеничката група на ВМРО-ДПМНЕ, побара од собранискиот спикер, Талат Џафери писмено да му одговори што се случи со 400 амандмани кои опозицијата ги поднесе, а кои не беа ставени на расправа.

За пратениците од мнозинството, работата на Комисијата мора да се откочи, бидејќи Уставниот суд работи во отежнати услови и има потреба од итно назначување на четворица нови уставни судии. Според власта, повикувајќи се на Уставот, пленумот имал право да го разреши Зендели, бидејќи тој бил избран функционер.

„Правило е секогаш парламентарното мнозинство да има претседател и мнозинство во Комисијата за изборите и именувањата. Фадил Зендели сам одлучи да го напушти парламентарното мнозинство. Доколку сте толку демократи, одважете се, тргнете еден ваш пратеник од ВМРО-ДПМНЕ во Комисијата и поддржете го Зендели да остане во таа комисија“ истакна претходно на расправата пратеникот на СДСМ, Мартин Костовски обраќајќи се кон пратениците од ВМРО-ДПМНЕ.

Опозицијата, пак оцени дека разрешувањето на Зендели било потребно за „власта да врши партиски назначувања во институциите“.

Пратеничката од ВМРО-ДПМНЕ, Силвана Ангелевска истакна дека со денешното разрешување кое било иницирано на пленарна седница се прави преседан, бидејќи токму првопотпишаниот на предлог-одлуката, претседателот на Законодавниот дом Талат Џафери, во претходни изјави тврдел дека сите барање за разрешување пред да дојдат на пленарна седница мора да минат на Комисија, нешто што не било случај при разрешувањето на Зендели.

„Власта сака да разреши пратеник од Комисијата за избори и именувања, Комисија која е функционална и може да се свика во секое време. Во оваа комисија треба да се стави послушник кој ќе ги аминува сите кадрови решенија на СДСМ и ДУИ, а тоа значи уставни судии, членови на регулаторна комисија, членови на други тела“, рече Ангелевска и додаде дека на тој начин се крши Деловникот за работа на Собранието.

Разрешувањето на пратеникот на Беса, Фадил Зендели од Комисијата за избори и именувања дојде на предлог на пратеници од мнозинството меѓу кои првопотпишан беше претседателот на Собранието Талат Џафери. Комисијата за избори и именувања беше блокирана со месеци, прво поради распишување на локалните избори, а потоа поради тоа што Беса ја напушти владејачката коалиција, што доведе до формирање на ново мнозинство во Парламентот и дисбаланс помеѓу мнозинството и опозицијата во рамки на Комисијата.

Разрешувањето на Зендели се очекува да го отвори патот за избор на четворица нови уставни судии. Сега Уставниот суд работи во отежнати услови, со пет од девет судии, што е минимум за негово функционирање. Мандатот на тројца од уставните судии заврши во јуни минатата година, а на четвртиот кон средината на јануари годинава.

(Б.Б.)

Комисија за избори и именувања Фадил Зендели
Share. Facebook Twitter LinkedIn Email
ТИКЕР

Пукотници на универзитет во Пенсилванија: Една жртва и шест повредени

October 26, 2025

Двајца словенечки министри дадоа оставки по убиството во Ново Место

October 26, 2025

Косовското собрание не го избра Курти за премиер

October 26, 2025

Француската полиција уапсила двајца осомничени за грабежот во Лувр

October 26, 2025

Лидерите на Тајланд и Камбоџа потпишаа проширен договор за прекин на огнот во присуство на Трамп

October 26, 2025
ФОКУС

Трамп до Путин: Нема да губам време

ВЕСТИ October 26, 2025

 Американскиот претседател Доналд Трамп изјави дека нема да се сретне со рускиот претседател Владимир Путин…

Родителите на загинатите во „Пулс“: Каде беа институциите кога ни изгореа децата?

October 25, 2025

Католичките свештеници за помалку од пет години сексуално злоупотребиле 4.451 лица

October 24, 2025

Данела Арсовска: Советот на Град Скопје и Управниот одбор се одговорни за состојбата во „Комунална хигиена“

October 23, 2025
ТИКЕР

Пукотници на универзитет во Пенсилванија: Една жртва и шест повредени

October 26, 2025

Двајца словенечки министри дадоа оставки по убиството во Ново Место

October 26, 2025

Косовското собрание не го избра Курти за премиер

October 26, 2025

Француската полиција уапсила двајца осомничени за грабежот во Лувр

October 26, 2025

Лидерите на Тајланд и Камбоџа потпишаа проширен договор за прекин на огнот во присуство на Трамп

October 26, 2025
CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.