Откако најпрво се закани дека во секој момент се подготвени да ја нападнат американската база на островот Гуам, лидерот на Северна Кореја, Ким Јонг Ун наводно сега ќе почека на „Јенките“ пред да донесе било каква одлука за напад.
По разговорите со своите генерали, како што пренесува државната телевизија во Пјонгјанг, Ун најавил дека ќе го следи однесувањето на САД.
„САД прво треба да носат вистински одлуки и со своето однесување да докажат заинтересираност за деескалација на тензиите и спречување на воен развој на конфликтот на Севернокорејскиот Полуостров“, изјавил Ким според државната КЦНА.
Американскиот министер за одбрана, Џејмс Матис, претходно му порача на Ким Јонг Ун да внимава со своите закани за напад на Америка биејќи ќе се соочи со бес.
„Ако тие пукаат кон САД, тогаш тоа многу брзо ќе води кон војна. Ако некој објект по воздушен пат стигне до американска територија, на пример до пацифичкиот остров Гуам, тогаш „играта почнува“, изјави екс-генералот.
САД и Јапонија како сојузници, веќе разговарале преку своите највисоки претставници, Доналд Трамп и Шинзо Абе, дека заедно ќе вратат на било каква провокација од Северна Кореја.
Последна која реагираше на оваа тема е и претставничката на ЕУ за надворешна политика, Федерика Могерини, која по вонредната средба со надлежните ЕУ-амбасадори навести натамошни санкции од ЕУ кон Северна Кореја.