Кинеските хакери дошле до нацрти на најсовременото оружје на САД
Кинеските хакери ги отркиле нацртите за најсовременото оружје кое САД планира да го произведе, јави Вашинготн пост повикувајќи се на извештај од Комисијата за одбрана и наука на Пентагон.
Станува збор за нацрти на најсовремени ракетни системи важни за одбраната на стратешки позиции во Европа, Азија и Персискиот залив. Кинеските хакери, се наведува во информацијата на Вашинготн пост откриле и нацрти за производство на нови модели на борбени авиони, бродови и хеликоптери. Од извештајот на Пентагон на кој се повикува Вашинготн пост не е јасно кога бил изведен сајбер нападот.
Во извештајот на Конгресот, Пентагон предупреди дека Кина се користи со шпинажа со цел да ги модернизира сопствените вооружени сили. За хакерските упади во своите системи САД ја обвини кинеската армија. Кина ги отфрли обвинувањата.