Пренос во живо на концертот на Роби Вилијамс, од неговата распродадена турнеја
Take The Crown, на големото филмско платно во Cineplexx на 20.08.2013 со почеток во 19:40 часот.
Кратко по издавањето на својот најнов албум во октомври 2012 година, Роби тргнува на турнејата која по првиот настап во Даблин на кој присуствуваа 65,000 луѓе, е прогласена за турнеја на годината. Најголемите хитови на овој шармантен и по малку ексцентричен заводник, досега беа изведени пред повеќе од 1 500 000 фанови низ Европа.
Добитникот на 17 Брит награди, прогласен за најпродаваниот соло изведувач во Британија и пејачот кој според светските музички критичари е крал на живите настапи и е неповторлив шоумен,своите турнеи секогаш ги зачинува со интересни настапи кои се уникатни.
А за сите оние фанови кои не добија можност да присуствуваат на еден од неговите фасцинантни концерти, Роби реши на еден интересен и необичен начин да ја доближи својата турнеја до сите нив – преку големите филмски платна од нивните локални кина
меѓу кои се наоѓа и Cineplexx.
Пренесувана во живо, во висока резолуција и со одличен сараунд звук во климатизираните сали на Cineplexx, ова е единствена шанса да бидете дел од најекстравагантната турнеја на Роби. Овој концерт ќе биде прикажан во уште 27 други држави во живо и во уште 18 држави со снимка подоцна во септември.
Подгответе се за двочасовно, високо октанско возење низ најголемите хитови на Роби и препуштете се на магијата на неговата харизма и музика.
Билетите се веќе пуштени во продажба и се по цена од 600 денари.
Повеќе информации можете да најдете на:
http://www.cineplexx.mk/sodrzina/sodrzina/nastaniiakciji_detalj.aspx?i=899
ВИДЕО: Роби Вилијамс во Загреб, 2013