Евопската комисија размислува да ги укине најситните монети од еврото
јавува Дојче Веле. Монетите од еден и два центи со боја на бакар може
да бидат укинати бидејќи нивното производство е скапо, а класирањето во трговијата на мало е комплицирано.
Она што сега го проверува еврокмесарот Оли рен во Брисел е делумно укинување на еврото, односно најситните монети од еврото.
Тоа го побараа Европскиот парламент и Советот на Европската унија. Резимето на Рен по првите сондирања на мислењата меѓу различни претставници на економијата и политиката:
„Производството на парите од еден и два центи е јасна деловна загуба, цената на производството на кованите пари, кои се состојат од железо и надворешен слој од бакар, ја надминува нивната номинална вредност“.
Европската комисија признава дека разликата меѓу трошоците на производство и номиналната вредност на најситните монети од воведувањето на заедничката валута веќе достигнаа над 1,4 милијарди евра.