Некогашниот чешки претседател Вацлав Клаус ја повика сопствената земја да излезе од Европската Унија, бидејќи според него Унијата лошо делува на Чешка.
Европската Унија придонесува за се што се случува лошо во општеството, политиката и економијата, вели Клаус.
Во неговата книга насловена „Чешка Република на крстопат-време за одлука“, која наскоро ќе биде објавена, тој отворено ја повикува Чешка да ја напушти ЕУ.
Во интервју за „Млада Фронта ДНЕС“, Вацлав Клаус изјави дека ЕУ има свој придонес за „строгите регулативи, губењето на суверенитетот на националните влади и оштетување на одговорноста“, а политичките партии избиле способност да влијаат на темелените одлуки, смета Клаус.
Клаус е познат критичар на ЕУ, но ова е првпат да предложи излез на Чешка од Унијата.
Клучните одлуки во ЕУ во Чешка се донесени токму за време на неговиот мандат. Кога беше претседател на владата, во 1966 година Чешка се кандидираше за членство во ЕУ. Како претседател на државата, во 2003 година Клаус го потпиша пристапниот договор.
Во интервјуто Клаус ја напаѓа и неговата поранешна партија. Изјави дека очекува „фатален пораз“ на десницата и на ОДС. „Имајќи го во предвид развојот на партијата, не би му препорачал на никој да гласа за неа“, изјави некогашниот претседател на Чешка.
Клаус е еден од основачите на ОДС и почесен претседател, но во 2008 година ја напушти партијата.
Во моментов, Чешка се подготвува за вонредни избори откако претседателот на владата Петр Нечас, поднесе оставка поради аферите за корупција и шпионажа.