По ненадејното повлекување од папската должност на Бенедикт Шеснаесетти во февруари, кардиналите изминатата седмица неколкупати се состанува на која дебатираа какви квалитети треба да поседува човекот кој ќе ја води Римокатоличката црква, која ја тресат педофилските скандали и лошото урпававување.
„Последниот пат избравме човек со голема репутација, три или четири пати поголема од на кој и да е друг кардинал”, изјави францускиот кардинал Филип Барбарен мислејќи на Јозеф Ратцингер кој во 2005 година беше избран за Папа за само 24 часа.
„Тоа не е случај овојпат. Според тоа, мораме да одлучиме меѓу еден, двајца, тројца, четворица… десетина кандидати. Во овој момент се е отворено. Мораме да ги сочекаме резултатите од првото гласање”, додал Бербарен, кого го цитира Reuters.
Добрите познавачи на состојбите во Ватикан за најсериозни кандидат ги сметаат Италијанецот Анџело Скола и Бразилецот Одило Педро Шерер.
Доколку биде избран Скола, папството по 35 години повторно ќе се врати во Италија, откако се до папата Јован Павле Втори, 455 години на чело на Ватикан беа Италијанци. Изборот, на Шерер, пак, би значело дека има неевропски папа првпат во 1.300 години.