Цели 75О евра треба да плати секој граѓанин кој сака да се оперира од катаракта (перде), а неможе повеќе да чека за да дојде на ред на долгиот список за интервенција. Доколку ја уплатат оваа сума пари, пациентите ќе бидат брзо оперирани на било кое одделени за офталмологија во некој од клиничките центри во Скопје, Тетово, Прилеп, Битола, Штип и наскоро во Струмица, како и во болницата „8 Септември“.
Интервенциите преку ред, ќе се изведуваат во рамките на дополнителната дејност на лекарите. Со функционирањето на офталомолошките одделенија каде што ќе се изведуваат операциите ќе се создаде можност да се зголеми бројот на операции на годишно ниво во државата најавија во Министерството за здравство.
– Новите оддели за офталмологија, вклучувајќи го и тој во Струмица, ќе ја олесни работата на офталмолозите во Скопје, затоа што, на пример, во болницата „8 Септември“ за оваа операција се чека од три до шест месеци изјави Тодоров.
На листата на чекање за оваа интервенција во Градската општа болница „8 Септември“ во Скопје има 1.000 пациентиа, а на Клиниката за очни болести годишно се изведуваат околу 1.200 операции на катаракта.
Според информациите на НОВА на Клиниката за очни болести листите на чекање за овој вид операција се предолги, кај некои лекари се чека дури и по неколку години, така што пациентите на крајот се откажуваат и одат да се оперираат во приватните болници.
Министерот Тодоров најави дека со операциите кои ќе се изведуваат во болниците во другите градови ќе се растовари скопската клиника.
На пациентите кои веќе имаат закажано операција на катаракта во скопските болници, а се од посочените градови телефонски ќе бидат конктактирани и ќе бидат информирани за времето и градот каде ќе им биде извршена интервенцијата. Но сепак,пациентот има право сам да избере каде ќе се оперира вели Тодоров.
Лекарите во рамките на своите буџети имаат ограничен број на операции, со што се создадоа огромни листи на чекање. Така некои од лекарите овој потег на надлежните го коментираат како „ надлежните сами ги создадоа листите на чекање, а сега само ја спасуваат ситуацијата со нови решенија“.