Потпретседателот на Европскиот парламент (ЕП) Александер Алваро од групата на либералите се очекува да даде оставка откако германската полиција нашла траги на кокаин во неговата крв по собраќајката во која во февруари во Германија загина еден човек од 21 година, јавува весникот Билд.
Алваро е еден од 14темина потпретседатели на ЕП кој во февруари беше учесник во тешка сообраќајка. Тој мина повеќе месеци во кома, еден човек загина а тројца беа тешко ранети. Реконституција на сообраќајката беше направена во септември на барање на истрагата во Келн.
Политичарот го возел своето Ауди 8 на 22 февруари оваа година и удрил во Опел Вектра на автопат каде што не е превидено ограничување на брзината. По долгата кома и месеци минати во болница Алваро се врати во ЕП во септември но обвинителот побара укинување на неговиот парламентарен имунитет.
Неодамна Алваро изјавил дека не бил под влијание на алкохол или дрога па откритието на истрагата за траги на кокаин во неговата крв ја влошува неговата законска ситуација.
Според интернет порталот Еурактив, Алваро се сретнал со претседателот на ЕП Мартин Шулц и шефот на либералната група Ги Верхофштад но ниту еден од нив не сакал да даде изјава за медиумот.