Во Министерството за надворешни работи (МНР) денеска ќе се одржи комеморација по повод смртта на амбасадорот на Северна Македонија во Берлин, Рамадан Назифи.
Комеморацијата ќе се одржи во амфитеатарот на МНР со почеток во 12 часот.
Амбасадорот Назифи ненадејно почина во Берлин на 3 септември на 60-годишна возраст, а беше погребан во неговото родно место Радуше на 7 септември.
Рамадан Назифи ја почнал дипломатската кариера во 1995 година. Работел во повеќе директорати на Министерството за надворешни работи. Првиот дипломатски ангажман во странство му бил аташе во македонската Амбасада во Бон, а бил и министер-советник во Амбасадата во Берлин.
Од 2009 до 2013 година беше амбасадор во Швајцарија, а од 2019 година ја извршуваше амбасадорската функција во Германија.