Американскиот државен секретар Марко Рубио денес за време на посетата на Еквадор изјави дека САД ги предупредиле другите земји дека признавањето на палестинска држава ќе предизвика повеќе проблеми.
„Им кажавме на сите овие земји, им кажавме на сите, ако се впуштите во оваа приказна за признавање, сè е лажно, дури не е ни реално. Ако го направите тоа, ќе создадете проблеми“, рече Рубио од Кито, каде што се сретна со еквадорскиот претседател Даниел Нобо и други високи еквадорски функционери, пренесува Ројтерс.
Тој оцени дека во случај на признавање на Палестина, „ќе има реакции што ќе го отежнат постигнувањето прекин на огнот, па дури и видовите акции што веќе се видени“.
Францускиот претседател Емануел Макрон кон крајот на јули објави дека Франција ќе ја признае Палестина како независна држава во септември на Генералното собрание на Обединетите нации, поради тешката ситуација во Појасот Газа, по што неколку други западни земји објавија таква одлука.