Бразилскиот фудбалски репрезентативец и член на ПСЖ, Нејмар се соочуваа со петгодишна затворска казна. Тој е осомничен за силување, а полицијата му го конфискува мобилниот телефон.
Според бразилските медиуми, против Нејмар е покренато обвинение и тој требаше на 7 јуни да даде изјава во полиција во врска со случајот, но постапката е одложена за неколку дена поради репрезентативните обврски.
„Кариоките“ ги очекуваат пријателски натпревари пред Купот на Америка.
Бразилската полиција го конфискува и телефонот на девојката која го обвини Нејмар за силување. Истрагата е побарана и поради тоа што Нејмар ги објави интимните слики на девојката. Во Бразил, таков чин се смета за кривично дело.
Девојката чие име не е објавено, поднесе пријава до полицијата, дека била силувана од Нејмар на 15 мај во хотел во Париз. Нејмар не негира дека имал интимни односи со девојката, но тврди дека било со заедничка согласност.