Новинарскиот бенд „The Reporters“, ССНМ, и ЗНМ официјално го започнаа проектот „Солидарност за слобода“ со цел основање на солидарен фонд за новинарите и медиумските работници.
Вчера во Клубот на новинари беше промовиран конкурсот на кој сите луѓе од медиумите и сите граѓани, ќе можат да испратат песни и текстови на теми поврзани со солидарноста, слободата на изразување, граѓанските права и еднаквоста.
Најдобрите дела ќе бидат вклучени во албумот на „The Reporters“, а потоа ќе следи и мини турнеја низ осум градови во Македонија.
Собраните средства од продажбата на албумот, билетите на концертите, и донациите од сите добронамерници ќе бидат искористени за помош на новинари и медиумски работници во неволја.
– Текстовите на песните можат да бидат напишани на сите јазици што се говорат во Република Македонија.
– Текстовите на песните се праќаат на адреса ssnm.info@gmail.com, под шифра и со назнака „текст за конкурс“.
– Музиката се праќа на истата адреса, во mp3 формат, под шифра и со назнака „музика за конкурс“.
– Конкурсот ќе биде отворен до 17 август.
– Бројот на песните со кои што може да конкурира еден автор не е ограничен.
Најдобрите текстови и најдобрите песни ќе бидат избрани од страна на тричлено жири, а тие ќе бидат искористени како материјал за музичкото CD „Слобода“.
Авторите на најдобрите песни ќе потпишат договор со ССНМ за отстапување на своите авторски права, произлезени од објавувањето на нивните песни на ова CD, во полза на Солидарниот новинарски фонд.