Бранко Тричковски: Темата за консензусот служи за да се префрли одговорноста за европското фијаско врз владата на сдсм и дуи. Тоа е смрдлива приказна која има за цел да ги скрие вистинските злосторници и нивните мотиви.
Во еден коментар напишав и тука сакам да повторам: Темата за консензусот е проблематична затоа што непостигнувањето на консензус е цел и политички инструмент на вмро.
Бугарите не се внесени во уставот не затоа што во преговорите за рамката немало консензус туку за да има тема околу која нема да има консензус. Отсуството на консензус не е последица на евроинтеграциите и на тоа како се водени туку цел преку која тие интеграции ќе се прекинат.
Консензусот никогаш нема да се постигне затоа што отсуството на консензус е убав катарпилар за демонтажата на Македонија и, второ, консензусот е невозможен затоа што би преставувал поделба на ќарот, конституција на заедничка Македонија, а тоа за вмро би бил пораз на неговата мисија. Тие го сакаат целиот шут од Македонија а не зградата да ја делат со сдсм, до дуи и не знам уште со кого.