Во Приштина денеска наутро бил уапсен Уке Ругова, актуелен пратеник во Косовското собрание и син на поранешниот косовски претседател Ибрахим Ругова.
Неговиот адвокат потврдил дека Уке Ругова е уапсен по претресот на неговата семејна куќа во приштинската населба Веланија.
Меѓународната правосудна мисија EULEX издала налог за негово привремено задржување поради тоа што тој се сомничи за организиран криминал, измама и злоупотреба на должноста, објавува Анадолија.
Уке Ругова, кој е познат како претприемач, во 2010 година го напушти Демократскиот сојуз на Косово, којшто го формираше неговиот татко, кој почина во 2006.
Во парламентот влез како застапник на Коалицијата за Косово, кој има седум претставници-парламентарци.