– Пристигнувам во Собранието, со целосна заштитна КОВИД-19 опрема, за да учествувам на денешната седница на која ќе ги усвоиме законите кои обезбедуваат финансиска помош за илјадници граѓани и компании.
Ова е дел од статусот на пратеничката Билјана Костадиновска Стојчевска која покрај текстот ставила и своја слика на која е фотографирана во полна заштитна опрема.
Таа вели дека иако е позитивна на Ковид 19, се чувствува добро и додава дека е одлучна со цел да помогне не народот.
– Нема да дозволиме уцени! Мојата должност како пратеничка е постојана и благородна. И здрава и болна, имам обврска да направам сѐ граѓаните да ја добијат помошта која Владата ја обезбеди за нив, додава Костадиновска Стојчевска, и додава дека Власта денеска е одлучна како што вели да ја заврши работата без разлика на намерите на ВМРО – ДПМНЕ.
– Граѓаните ќе победат и уште еднаш ќе видат колкава РАЗЛИКА ИМА меѓу СДСМ и ВМРО-ДПМНЕ односно меѓу тоа да правиш СЀ ЗА народот и да правиш СЀ ПРОТИВ народот, вели пратеничката.
Во Собранието денеска ќе има уште еден обид да бидат изгласани законите од петтиот антикризен пакет со што тој треба да стане функционален.
За во 14:15 часот е закажана 36. пленарна седница на чиј дневен ред се законите од петтиот пакет, а 15 минути претходно, во 14 часот, е закажана 32. седница.
Законите од петтиот пакет требаше да бидат изгласани во четвртокот но обидот беше неуспешен. Координаторите на пратеничките групи, дел од пратениците и претседателот на Собранието повеќе од два часа се расправаа дали да се гласа по точките од 32. седница и потоа да се продолжи 36. седница или да се одложи гласањето поради немање кворум и да се продолжи со 36. седница.
За денеска исто така има најава дека пратениците од ВМРО-ДПМНЕ нема да учествуваат, за да не се обезбеди кворум. Албанската опозиција, пак, најави дека ќе биде во Собранието.