Војската има пари само за одржување на старата но не и за нова опрема, ова е заклучокот е на началникот на Генералштабот Горанчо Котевски, во неговиот говор по повод прославата на денот на АРМ пред вработените во војската и одбраната, објавува Алфа Телевизија.
„Сегашните финансиски средства во буџетот се доволни за одржување на опремата и техниката со која располагаме, но не се доволни за модернизација на нашата армија. АРМ изготви план за модернизација и го презентираше пред надлежните институции и авторетите… Очекувам дека оваа одлука ќе биде донесена и ќе биде позитивна, во корист на АРМ и во корист на државата“, рече во дел од својот говор началникот на ГШ на АРМ, Горанчо Котески
Воведниот дел на своето обраќање Котески го посвети на успесите но и мултетничкиот карактер на АРМ. Говорејќи за обврските и одговорностите потсети дека тие подеднакво ги делат сите без оглед на разликите.
На свеченоста беше присутен и врвот на Одбраната на чело со министерот Талат Џафери.