Претседателот на СДСМ, Димитар Ковачевски од трибината „Силно и одлучно кон иднината“ во Велес кажа дека многумина сè уште страдаат од висока инфлација, но дека насоката е добра и следната година ќе биде подобра.
Штедиме и не се расфрламе со парите, но затоа има за се. Така работи Владата која ја предводам. Државната каса е на граѓаните, тие ја полнат, тоа се нивни пари и затоа се трошат за нив. И затоа имаме и за повисоки плати и пензии, за финансиска поддршка на граѓаните на кои што помош во ваква тешка светска економска криза им е најпотребна, имаме за земјоделците, за самохраните родители, ранливите катогории граѓани, ние не забораваме и не изоставаме никого, рече Ковачевски.
Тој истакна дека резултатите од антикризните мерки се веќе видливи.
Ја спасивме македонската економијата со два огромни пакети антикризни мерки вредни 760 милиони евра, најголеми според БДП во регионот, потврдено и од ММФ и од Светска банка. Само со вториот пакет речиси 200.000 граѓани добиваат поддршка која ќе продолжи и во следните месеци. Со дури 80% од субвенциите за струјата за сите домаќинства и за 72.000 мали потрошувачи, сметките на граѓаните се за пет пати помали. 365 основни, 109 средни училишта и здравствените установи добиваат поевтина струја. 518 субјекти директно се поддржани од Владата, за да имаме непречено одвивање на наставниот процес, учениците да имаат топли училници, а граѓаните непречено да ги добиваат здравствените услуги, потенцира претседателот на СДСМ.
Тој додаде дека со последната мерка на Владата е обезбедена поевтина струја за компаниите кои вршат производство на основните прехранбени производи.
Резултатите веќе се евидентни, одредени производители ја намалија цената на лебот, а цената на маслото за јадење на одредени произведувачи е намалена и за 40 денари. Очекувам во наредните денови до 10% намалување на цените на основните прехранбени производи. Ова е време на одговорност, не е време за профит, заклучи Ковачевски.