Премиерот Димитар Ковачевски денеска оствари телефонски разговор со неговиот украински колега Денис Шмигаљ, при што му изрази поддршка од Северна Македонија за територијалниот интегритет и суверенитет на Украина, соопшти владината Прес-служба.
Како што се наведува во соопштението, премиерот Ковачевски порача дека Република Северна Македонија ја осудува одлуката на Руската Федерација за признавање на украинските региони Донецк и Луганск како самонаречени „Народни Републики”.
Во телефонски разговор со премиерот на Украина, Ковачевски ја оцени постапката на Русија како директен напад врз територијалниот интегритет и суверенитет на Украина и како флагрантно кршење на меѓународното право, се додава во соопштението.
Ковачевски му пренел на Шмигељ дека Северна Македонија го поддржува суверенитетот и територијалниот интегритет на Украина во меѓународно признатите граници, и дека, како и останатите НАТО сојузници, се приклучува кон повикот до Москва на решавање на конфликтот преку мирен и дипломатски пат.
„Премиерот Ковачевски за време на разговорот потврди дека Северна Македонија е усогласена со надворешната и безбедносна политика на ЕУ и НАТО во однос на санкциите кон Руската Федерација, како одговор на нејзините непринципиелни постапки, се нагласува во соопштението.