Политичката кариера на поранешниот премиер на Италија, Силвио Берлускони би можела да заврши многу брзо доколку Сенатот препорача одземање на неговиот мандат по обвинението за даночна измама и четири-годишната затворска казна.
Горниот дом на Италија, процесот да се исклучи Берлускони од парламентот, најверојатно ќе го започне во петок, што значи неговата судбина би можела да се запечати за само неколку недели.
Берлускони, кој доминираше на италијанската политичка сцена околу две децении, ги отфрли тврдењата дека неговата политичка кариера е пред крај.
„Мислам дека ова е резултат на добро испланирана работа да се тргне лидерот на централно-десничарите“, изјави 77-годишниот милијардер. „Ова е политичка казна која не се базира на апсолутно ништо“.
Доколку одборот, главно доминиран од противници на Берлускони, одлучи да му го одземе правото да учествува во Сенатот, одлуката ќе треба 2 недели подоцна да биде потврдена на целосно гласање во Горниот дом.