Израелската армија соопшти дека ги продолжува нападите во воздух, земја и море врз Газа, откако палестинските милитанти продолжија да ракетираат, одбивајќи го хуманитарното примирје, јавува Би-Би-Си.
Израел го прифати барањето на ОН за 24-часовен прекин на огнот, но предупреди дека ќе делува ако е прекршено од Хамас.
Хамас соопшти дека нема да прифати примирје освен ако израелските сили ја напуштат Газа и на раселените им биде дозволено да се вратат дома.
Повеќе од 1.000 Палестинци и 46 Израелци загинаа во борбите кои се водат во Газа.
Мнозинството од оние што загинаа во Газа се цивили, велат палестински здравствени официјални лица, додека 43 војници и тројца цивили-умреле на израелската страна.
Во саботата, многу жители на Газа го искористија примирјето за да соберат храна и останати потреби, но и да ги извлечат тела затрупани под урнатините.
