Утрово на 99 годишна возртаст во замокот Виндзор, почина сопругот на британската кралица Елизабета Втора, принцот Филип.
Веста за неговата смрт ја соопштила кралицата, а ваквата информација ја потврди и Бакингемската палата, пренесе „Би–БН–Си“ .
Принцот е роден на 10 јуни 1921 година, а потекнува од грчко и данско кралско семејство. По школувањето во Франција, Германија и Велика Британија, тој се приклучил на британската кралска морнарица во 1939 година кога имал 18 години.
Со тогашната принцеза, а сега кралица Елизабета се запознале во 1934 година, а по Втората светска војна, Филип добил дозвола од кралот Џорџ Шести да ја запроси Елизабета.
Пред свршувачката јавно да биде објавена во 1947 година, Филип се откажал од грчките и данските кралски титули и станал полноправен Британец, земајќи го презимето на предците на неговата мајка, Маунтбатен.
Филип и принцезата Елизабета се венчале на 20 ноември 1947 година, по што тој доби британски кралски титули.
Принцот воедно бил и најстариот машки член на британското кралско семејство во историјата.