Русија ќе одговори соодветно на какви било нови незаконски санкции на САД, соопштува Кремљ, и предупреди дека со ваквите активности се помали се шансите Џо Бајден да оствари средба со својот руски колега, Владимир Путин.
Русија ги отфрла тврдењата на САД за мешање во изборите во 2020 година и дека стои зад хакерски напад врз софтверот на „Солар Виндоус“. Портпаролот на Кремљ Дмитриј Песков изјави дека Москва ќе почека за развојот на настаните пред да ги коментира санкциите.
Во телефонскиот разговор во вторникот, Бајден го покани Путин на состанок за повеќе прашања и и порача на Москва да ги намали тензиите на украинската граница.
Портпарол на Кремљ истакна дека ситуацијата околу Украина останува напната, бидејќи американските и силите на НАТО се уште се близу до руската граница. Затоа е прерано да се зборува за деескалација, тврди Песков, и покрај извештаите дека Соединетите Американски Држави го откажале испраќањето на своите два воени брода на Црното Море.