Три години затвор во случајот „Расколник“ доби расчинетиот владика Јован-одлука на скопскиот Кривичен суд.
Останатите 18 обвинети, меѓу кои се и неговата мајка и сестра, добија условна казна од две години. Сепак, тие казната нема да ја одлежат, ако за пет години не сторат исто кривично дело. Обвинителството ги гонеше за перење пари- дека се обиделе да ги пуштат во промет парите кои Вранишковски ги проневерил од МПЦ и со нив да купат недвижен имот и земјиште.
>>Вранишковски: Јас се жртвувам за црквата
Расчинетиот владика на МПЦ се бранеше дека е невин, додека обвинетите новиот сведок го нарекоа дека е „лажен сведок“ и посочија дека процесот е наместен и дека судијата не ги носи одлуките, туку дека тие се носат од надвор.
За време на паузата на новинарите кои седеа во судницата и го следеа судскиот процес им се обрати расчинетиот монах Давид (Јанко) Нинов, кој е исто така обвинет во случајот „Расколник“ :
>>Случај „Расколник“: Пресуда за Вранишковски
-Ако сум виновен, јас да умрам. Ако сте виновни вие, вам да ви умре најмилото, изјави Давид.