Скандалот со лажната докторка го тресе Кавадарци. Откако инспекцијата
откри дека дваесет и седумгодишната девојка шест месеци работела во
брзата помош со фасификувано уверение за завршен медицински факултет,
полицијата поднесе кривична пријава, а стигна и нов удар. Семејството на
18 –годишното момче кое почина пред еден месец на фудбалски натпревар
обвинува дека токму лажната докторка интевенирала кога му се слошило на
нивниот син Митко Влајков.Таа била во лекарскиот тим и прва се впуштила
да интервенира.
-Таа го виде син ми, му го стави прстот на пулсот, а потоа извади еден шприц
со игла и му го стави директно во градите, најверојатно во срцето. Можеби
таа сакала да помогне, но откако вчера слушнавме дека има фалсификувана
диплома се појави сомнеж изјави за Телма, Дамјанчо Влајков татко на
починатото момче. Тие отчекуваат истражните органи да си ја завршат
работата за случајот со нивниот син и бараат одговорност од надлежните.
Лажната докторка имала уверение со висок просек на оценки и лиценца од
Лекарската комора, заверени кај нотар, па во болницата не се посомневале
и ја ангажирале на работа, со договор на дело. Таа прегледувала пациенти,
поставувала дијагнози, препишувала терапии, работела вредно. Девојката
била запишана на медицинскиот факултет и првите две години и одело
добро, а нејзините родители ги частеле пријателите по секој положен испит.
Кога заглавила со испитите продолжила да живее во Скопје, а родителите
ги лажела дека ги дава испитите. Во кавадречката чаршија се шпекулира
дека кога се случило наводното дипломирање, семејството го прославило
тој момент со блиските. Инаку, девојката потекнува од познато и угледно
кавадаречко семејство, во кое има и блиски роднини лекари.