Многу од планираните проекти кои се предвидени за Градот Скопје во наредната година ќе бидат заборавени, а Градот Скопје ќе има неуспех на неуспех изјави денеска Софија Куновска Координатор на советничката група во Град Скопје и претседател на ГО СДСМ, Скопје.
Според Куновска Нацрт буџетот за 2014 година кој е планиран врз основа на ребелансот на буџетот за 2013 година во кој биле проекти со кои се создават лажна перцепција за да се настапи на локалните избори, кои подоцна биле заборавени.
-Прашање е како Град Скопје ќе ги исплати доспеаните и неподмирени долгови кон градежните фирми кои изнесуваат 260 милиони денари, односно над 4 милиони евра. Овој долг кон градежните фирми, е и долг кон вработените на кои со месеци им се должи плата. Со ова, Град Скопје станува соучесник во создавањето на лоша состојба во која се наоѓаат вработените на овие фирми изјави Куновска.
Од Друга страна градоначалникот Коце Трајановски најави дека капиталните инвестиции кои биле планирани за наредната година ќе бидат реализирани.
-Буџетот за наредната година е помал за 10 проценти од претходниот, но нешто поголем од ребалансот на буџетот изјави градоначаникот Трајановски кој ги наброја планираните проекти како остварливи инвестиции.
Трајновски рече дека ќе бидат реализирани активностите за продолжување на булеварот „Партизански одреди“, „Трета македонска бригада“, „Теодосиј Гологанов“, поставување на водовод во Шуто Оризари, прочиститетна станица во Ѓорче Петров и други, како и објавување на тендерите за подземна сообраќајница и тендерот за трамвајот.