Една француска туристка во Њујорк, поминувајќи кај станицата Гранд Централ во Манхатан згогледала еден постар човек како копа во кантите за ѓубре. Нејзиното добро срце и наложило да му помогне и му дала едно парче пиза. Жената не сфатила дека пизата му ја дала на Ричард Гир кој токму таму го снимал најновиот филм.
Приказната ја раскажува викендов Њујорк Пост. Карин Валне Гомбо, 42 годишна Парижанка, го здогледала клошарот со капа на главата и како ги превртвува кантите за ѓубре. Таа излегувала од пизерија со сопругот и синот и одлучила да му го даде парчето пица што и останало.
Кога му го пружила парчето пица во хартиена кеса Ричард Гир ја прашал што има внатре.
«Се обидов да му кажам на англиски но наместо тоа, половината од мојата реченица беше на француски. Му реков на француски – простете, но пицата ис колд, а тој ми одговори – фала многу, Господ нека ве благослови», раскажува Карин за Њујорк Пост.
Потоа заминала без да знае дека всушност се сретнала со Ричард Гир кој таму го снимал најновиот филм “Time out of Mind”. Тоа го открила подоцна кога весникот ја објавил нејзината фотографија. «Фантастично. Неверојатно е ова што ми се случи», вели Карин и додава дека глумецот и сега, на 64 години, е навистина убав.