камера: Трајче Антоновски
Во време кога Скопје е европската престолнина на фудбалот, неизбежно е а да не налетате на некој фудбалска легенда.
Педи Креранд важи за една од фудбалските легенди кои го облекле дресот на Манчестер Јунајтед, англискиот гигант кој вечерва во Скопје ќе игра против шпански Реал Мадрид во рамките на Суперкупот на УЕФА кој годинава се одржува во Скопје.
Поранешниот репрезентативец на Шкотска има преку 300 настапи за Јунајтед од 1963 до 1971 година со кој освои неколку домашни титули и една европска.
Транскрипт од краткото интервју на НОВА со Педи Креранд:
Креранд: Импресиониран сум од Скопје
НОВА: Ова е ваша првата посета овде?
Креранд: Прв пат сум овде и ова е прекрасен град.
НОВА: Пред нас имаме фудбалска легенда од Шкотска која настапуваше за Манчестер Јунајтед. Што мислите, како ќе заврши натпреварот вечерва?
Креранд: Би бил тотално субјективен и би рекол дека Јунајтед ќе победи вечерва но нема да биде лесно. Ќе биде тежок натпревар за Јунајтед, се зависи од тоа дали ќе игра (Кристијано) Роналдо. Но тој секако требаше да игра за нас
НОВА: Дали сте задоволен со целата ситуација околу Јунајтед?
Креранд: Да да. Бев на сите предсезонски натпревари и тие играат добро. Сега дојде (Немања) Матиќ а тој е прекрасен играч, тој ќе биде многу важен за нас
НОВА: Колку е фудбалот сменет, особено откако последниот трансфер на Нејмар (кој стана најскапиот фудбалер за кој ПСЖ плати преку 200 милиони евра за да го донесе од Барселона)
Креранд: Лудило.
НОВА: Како тоа ќе влијае на трансфер пазарот?
Креранд: Работата е што телевизиите сега им плаќаат многу на клубовите за преносни права. Фудбалот воопшто е многу популарен во моментот. Особено во Америка, тие се луди за фудбалот а парите доаѓаат од таму и плус од телевизиите. На пример Англиската Премиер Лига е најпопуларна и заработува многу од телевизиите.
НОВА: Но, господине Креранд, ако направите паралела од вашето време и сега, дали се изменети вредностите на фудбалот?
Креранд: Не не, иако луѓето мислат дека играчите добиваат многу пари и не им е гајле за фудбалот, тврдам, на фудбалерите играта им е важна. Кога ќе излезат на терен, имаат една цел а тоа е да победат. Ужасно е чувството ако изгубите, а тоа е така се до денес, најважната работа е победата.