Лекарската комора го осуди нападот врз екс минитсерот Тодоров. За случајот со директорот на неврохирургија кој се наоѓа во притвор за земање поткуп, порачаа дека секој криминал треба да биде казнет, но прво треба да се почека правосудните органи да го докажат криминалот.
„Не одбруваме земање, ниту давање на мито. Комората ќе си постапи законски така како што треба, но ќе почекаме судот да си го каже своето. Колегата е во притвор, но не е осуден како виновен“, изјави Калина Гривчева Страделова претседател на Лексрката комора.
Од таму најавија дека Етичката комисија која е во формирање сепак ќе го разгледа прелиминарно случајот, но сепак без судска одлука не можат да донесат никакво решение.
Раководството на комората пред новиот министер АрабенТравари најави дека ќе бидат партнер за соработка, но и опозиционо настроени кога се во прашање барањата за лекарите.
Министерот за здравство Арбен Таравари, кој денес попладне го презеде Министерството за здравство најави 10 годишна стратегија која ќе биде Устав во здравството, укинување на проектот„Плата по учинок“, кој го воведе неговиот претходник, како и двојните директори на клиниките. Тој рече дека планира нов Закон за здравствена заштита како и Закон за доктори. Министерот Таравари најави дека ништо нема да се прави без лекарите и здруженијата на пациенти, па од понеделник ќе започне да се среќава со нив да ги чуе и нивните барања.
„Сметам дека нема потреба од двајца директори на клиниките, односно дека нема потреба од економски директор. Таа работа може да ја вршат службеници. Немаме пари за луксуз. Плаќањето по учинок ќе го укинеме, а ќе најдеме начин како да се зголемат платите на докторите. Парите што се одвојувале досега за плати на економските директори на клиниките сметам дека треба да се искористат да се наградат тројца или четворица најдобри лекари на секоја клиника“, рече Таравари.