Лидерите на ЕУ постигнаа договор за заострување на санкциите кон Москва поради кризата во Украина, вклучително и со казнување на оние руски компании кои се поврзани со активности за дестабилизирање на Киев.
Цел на новите мерки се „поединци или компании кои активно пружаат финансиска поддршка или материјали на Русите што носат одлуки и се одговорни за анексијата на Крим или детсабилизирањето на Источна Укриана, се наведува во соопштението.
Во иднина ќе бидат санкционирани и фирмите кои ги финансираат или им испорачуваат стоки на сепаратистите во Источна Украина. Фирмите, кои соработуваат со руските функционери одговорни за отцепувањето на Крим или ситуацијата во Источна Украина, исто така ќе бидат на удар на казнени мерки.
Русија нема да добие веќе кредити од европски финансиски институции. ЕК ќе ги замрзне финансиските средства во вид на помош за проекти во Русија. ЕУ-дипломати истакнуваат дека не се работи за економски санкции или ембарго на цели бранши во Русија. Донесените мерки се решавачко заострување, истакнува германската канцеларка Меркел.
На самитот на лидерите на 28-те земји-членки на ЕУ договорено е и суспендирање на новите инвестиции во Русија на Европската развојна банка и Европската Банка за обнова и развој (ЕБРД).
Санкциите на ЕУ кон Русија се зајакнуваат само неколку часа откако САД објавија дека го зголемуваат мерките и го прошируваат списокот на функционери и водечки руски компании и банки.