Шефот на грчката екстремно десничарска партија Златна зора вчера беше префрлен во затвор каде ќе го чека судењето по обвиненија за водење криминална организација по истрагата во неговата политичка партија поттикната од убиството на левичарски ориентиран рапер.
Судот му одреди мерка притвор на Никос Михалолијакос, пратеник во парламентот, рано вчераутро по сведочењето што траеше повеќе од шест часа во текот на ноќта.
Вооружени полицајци го извадоа од судницата врзан со лисици.
Соопругата и ќерката на Михалолијакос, кои исто така се членки на партијата, како и други членови на Златна зора кои се пратеници во парламентот, стоеја пред зградата и му довикуваа охрабрувачки сборови додека го носеа полицајците.
“Смешните мали луѓе решија да го стават в затвор лидерот”, изјави парламентарецот Михалис Арвантис од Златна зора.
Шефот на грчката партија инспирирана од нацистите и еден од неговите парламентарци беа затворени во затвор со максимално обезбедување во Атина откако судиите наредија да бидат однесени во притвор.
Педесет и шестгодишниот Михалолијакос и Јанис Лагос ќе бидат притворени во женското одделение на затворот “Коридалос” каде нема да имаат контакт со другите затвореници поради стравување дека можно е да бидат нападнати.
Извор: Асошиејтед Прес