lu-ping / Д-р Жан Митрев на ТВ вечерва – меѓу вистината и …

Го слушав предполноќно д-р Жан Митрев на ТВ Алфа за неговите почетоци, за неговите амбиции да има свој приватен објект болница за што, од тоа време на тие случувања во деведесетите, имам свој суд.

Но тоа е ептен неважно во однос на неговото вечерашно, еве со голема задршка за вистинитоста во однос на неговото субјективно елаборирање на актуелниот судски процес против него и неговата болница за, како што рече, обидот болницата да му биде откупена со притисоци, со условувања и присила.

Притоа, во наменското интерву на наменскиот медиум, за таквиот чин, кардио хирургот посочи две имиња на врвни функционери од претходната владејачка гарнитура.

Ги спомна тој или, ако воопшто добро забележав, можеби тоа беше од водителот но сеедно зашто соговорникот со гест му реагираше потврдно.

Ги посочи, практично ги обвини, Зоран Заев, тогашен премиер и Венко Филипче, тогашен министер за здравство и сега актуелен лидер на актуелната опозиција.

Е ли тој негов ноќешен исказ автентично сведоштво и зошто сега, а не е кажано, пријавено и институционализирано порано пред неговиот уште жив судски процес во јавноста познат како „нечиста крв“.

И е ли тоа во некаква сегашна дневно политичка функција, во некаков политички дил на релација актуелна власт, актуелна опозиција.

Дали докторот, како некаква присила по неговиот кредибилитет, е втурнат и во некоја актуелна меѓупартиска бездна креирана и под бекајов пеитисок од домашната и меѓународната медицинска контрола за, како што се обвинува, изнасилени, за непотребни интервенции во нашите приватни кардио хирургии, а за сметка на државниот здравствен фонд и дали ваквите околности и неговиот ноќешен ТВ исказ со тешко обвинение за лица од сега политичката опозиција, е некаков политички пазар во кој е неволно турнат во една засилена меѓупартиска пресметка меѓу власта и опозицијата.

Мачна дилема која и од него спомнатите но и од него лучно, бара објаснувања и дообјаснувања.

Што и да е, некаде има нешто многу труло па сега, сега најмалку што очекувам и на што како граѓанин најмалку се надевам, е веќе изутрина, денеска, двете посочени страни, секој од тројцата, да излезат со свои јавни реакции.

Изворот да се јави со повлекување од кажаното обвинение или пак од него обвинетите да се огласат со негирања, со контра обвинувања или барем само со обични деманти.

Во спротивно, со неверување за можна инволвираност на спомнатите, а на моја длабока разочараност и во докторот за неговиот молк досега и за евентуалното не реагирање на обвинувањата во ТВ интервјуто, ако ова моево воопшто некому е битно, мене ми е, и оваа ноќешна политичко криминална тема, ќе остане да лебди како уште една матна флека врз оваа наша уникатна и предолго мачна македонска транзиција.