Во новиот извештај на 40 страници, Меѓународната организација за човекови права Амнести Интернешенл ја документира наводната употреба на касетна муниција и други неселективни средства за напад од страна на Русија.
„Повторените бомбардирања на станбени населби во Харков се неселективни напади во кои загинаа и се повредени стотици цивили, и како такви претставуваат воени злосторства“, се вели во извештајот на меѓународната организација.
„Ова се однесува и на нападите со касетна артилерија и на оние извршени со употреба на други видови ненаведувани проектили и ненаведувани артилериски гранати, кои се неселективни кога се користат во близина на места со концентрација на цивили, пишува во извештајот.
Истражувачите на Амнести велат дека „документирале седум напади во различни области на Харков, каде што пронашле перки и пелети од касетна муниција 9N210 или 9N235“.
Конвенцијата на Обединетите нации за касетна муниција, која стапи на сила во 2010 година, забранува употреба на касетна муниција. Ни Русија ни САД немаат ставено потписи на тој договор.
„Касетните бомби се неселективни“, се вели во извештајот на Амнести.
„Ракетите испуштаат десетици експлозивни парчиња во воздухот, расфрлајќи ги неселективно на голема површина од стотици квадратни метри. Покрај тоа, касетната муниција има висока т.н. стапка на отпадок со висок процент на материјал што не експлодира при удар, но на тој начин станува ефективен во улога на мини, со што претставуваат закана за цивилите долго по испукувањето.
Амнести, исто така, нотира дека Русија користела PTM-1S, „мала противпешадиска мина што можела да се распрска“, стои во извештајот.
Донатела Ровера, висок советник за одговор при кризи на Амнести интернешенел, рече дека истрагата е „дополнителен показател за целосно непочитување на животите на цивилите“.
„Луѓето беа убиени во своите домови и на улиците, на игралиштата и на гробиштата, додека чекаа во редици за хуманитарна помош или купуваа храна и лекови“, рече таа. „Повторената употреба на широко забранетата касетна муниција е шокантна“. А, руските власти постојано инсистираат на тоа дека нивната воена интервенција во Украина не била насочени кон цивили.