Комисијата за верификација на фактите денеска на својата веб страница, согласно законот три дена по донесувањето на решението, го објави досието на писателот Божин Павловски.
Повловски, во полициските досиеја е воден под псевдоним „Прозаист“.
Со новите 12 лустрирани регистарот на Комисијата се зголеми на 89 лица.
Претседателот на Комисијата за верификација на фактите Томе Аџиев вчера преку пишана изјава до медиумите реагира на критиките од младината на СДСМ за лустрирање на писатели, членови на МАНУ.
– Немам против младината на СДСМ да купува книги од Славко Јаневски и Божин Павловски, и јас ги имам дома тие книги. Лустрацијата не го оспорува нивното книжевно дело. Би им порачал само на младината на СДСМ патем, додека читаат од книгите на овие автори нека ги прочитаат и нивните досиеја, кои се објавени, ќе биде поучно за сите. Така ќе навлезат во суштината на карактерот на нивните херои автори и ќе може полесно да го разберат периодот во кој твореле, се вели со пишаната изјава на Аџиев.