Поетот Никола Маџиров учествува на Светскиот поетски фестивал во Делхи во Индија кој се организира во чест на 100-годишнината од Нобеловата награда за литература на Рабиндрант Тагоре.
Маџиров, фестивалот го отвори со читање на 21.март за Денот на поезијата, заедно со добитникот на наградата „Т.С Елиот“, поетот од Британија, Џорџ Сиртеш.
Фестивалот е во организација на „Академијата Саитја“ од Делхи, широко позната по промоцијата на индиската литература на 24 индиски јазици, како и Министерството за култура на Индија, а во него учествуваат поети од дваесетина земји од сите континенти.
Покрај Никола Маџиров, помеѓу еминентните автори на фестивалот гостуваат и Џорџ Сиртеш од Велика Британија, Лес Викс од Австралија, Индиецот Кунвар Нарајн, Наџван Дарвиш од Палестина, Кубанецот Оскар Круз, Ингрид Сторолмен од Норвешка, Пај Тафдруп од Данска, Американецот Филип Николаев и Танур Охаиде од Нигерија.
Поезијата на Маџиров е претставена и објавена на хинди, македонски и англиски јазик.
По престојот во Индија, Никола Маџиров ќе продолжи со настапи во Германија, Италија, Англија, Латвија, Шпанија и други земји.