Во Македонија има 56 сигуроносни камери поставени низ земјата, регистрира сајтот Insekam. На веб-страната се собрани преку 73.000 стримови во живо од безбедносни камери, чии сопственици не ја промениле лозинката.
Insekam тврди дека емитува стримови од камери од целиот свет. Покрај снимки од паркинзи, фабрички погони и продавници, на сајтот можат да се најдат и стримови од дневни и спални соби.
„Сајтот е дизајниран за да ја покаже важноста на безбедносните поставки“, пишува во описот на страницата.
На страницата може да се пребаруваат камери според земјата во која се инсталирани.
Правните експерти велат дека вака поставена, веб-страницата директно го крши законите и прави компјутерска измама, затоа што пробива нечиј акаунт заштитен со лозинка, па дури и ако се работи за основната, фабричка лозинка.
Оваа веб-страница служи како предупредување, а корисниците кои ќе си ја препознаат снимката од безбедносната камера лесно можат да го решат проблемот, со едноставна промена на лозинката.